Amerika Birləşmiş Ştatları və Çin arasında son günlərdə baş tutan iqtisadi dialoq müsbət siqnallarla müşayiət olunsa da, dərin fərqliliklər və strateji gərginlik hələ də qalmaqdadır. Vaşinqtonda keçirilən görüşdə hər iki tərəf “qarşılıqlı fayda və sabitlik” mesajı versə də, texnologiya, ticarət və valyuta siyasətində fikir ayrılıqları davam edir.
Bəzi ekspertlər bu dialoqu “nə yaxınlaşma, nə də açıq qarşıdurma” kimi qiymətləndirirlər. ABŞ Maliyyə Nazirliyi rəsmilərinin bildirdiyinə görə, Çin ilə davamlı və açıq əlaqə qurmaq hələ də Vaşinqtonun prioritetidir. Bununla belə, mikroçiplər və süni intellekt texnologiyaları sahəsindəki sanksiyalar tərəflər arasında etimadsızlıq yaratmaqda davam edir.
Çin isə ABŞ-ın bəzi texnologiya şirkətlərinə qarşı məhdudiyyətlərini “haqsız rəqabət” kimi qiymətləndirir və bu mövzuda “dəqiq və qərarlı cavablar” veriləcəyini vurğulayır.